Wat Het Gebeur

Episode Nommer: 2300

Episode Nommer: 2300 | Episode Datum: 03 September 2010

Mandla en Alyce het ‘n uitval oor sy werksaanbod en wat dit aan hul huwelik kan doen. Xander sal namens Felicity vir Rosie afdank en Felicity moet die saak by die Polisie aanmeld. Clara hoor hoe Lukas en Kabelo oor die liefdeswenke end ie bier praat. Gita vra vir Len om ‘n nuwe suiweringseenheid te laat installeer en dat dit in die nag moet gebeur sodat die werkers nie daarvan weet nie. Len noem dat dit haar baie gaan kos. Clara verdeuidelik vir Felicity, Aggie en Matrone dat Kabelo die loveguru is dn dat sy vir hom bier gaan vat vir ‘n liefdeswenk want Dieddie is altyd moeg. Matrone voel nie sy het enigsins liefdeswenke nodig nie. Zinzi is nie heeltemal oortuig as ‘n gedane Annelie vir haar vertel dat sy die manne in Duke’s kan hanteer nie. Clara vat bier vir Kabelo en hy sê hy sal later met haar praat. Oubaas moet weer loop, want sy bakkie wil nie ry nie, maar hy het vir Servaas gevra om daarna te kyk. Neville gee Mandla raad oor sy werksaanbod en huwelik. Alyce hoor wat Mandla sê, sonder dat hy bewus is daarvan. San-Mari en Vince praat oor Nico wat so skaam is en San-Mari hoop die gym gaan hom nuwe selfvertroue gee. Linda lees die Jacobsville artikel en noem vir Charmaine dat sy al van ‘n soortgelyke probleem gehoor het en dat dit as gevolg van waterbesoedeling was. Sanjay werk aan ‘n negatiewe resensie van Marguerite’s. Diederik vertel vir Bernard dat hy Toerisme by Merton College swot en Bernard hoor watter ander kursusse daar ook is. Oubaas het by Servaas gehoor dat byna alles aan die bakkie vervang moet word en dat dit beter gaan wees om dit vir skroot te verkoop. Errol vra of hy die sitplekke kan kry. Kabelo blaai franties deur sy boek as Clara ongeduldig raak. Nico en Lukas gesels oor werk en studies en hy begin effens ontspan teenoor Lukas. Len het vir Andrew Hemmingway by Myer en Edwards gekry om die eenheid dieselfe aand te installeer en Gita is meer gerus as Len haar waarborg dat Hemmingway niks sal sê nie. Mandla sê vir Alyce dat die werk alles is waaroor hy gedroom het, maar dat hy dit nie gaan vat nie, want Alyce is vir hom belangriker. Alyce is onkant gevang, maar dring aan dat hy gaan want sy glo hulle liefde is sterk genoeg om die afstand tussen hulle te oorleef.

Episode Nommer: 2299

Episode Nommer: 2299 | Episode Datum: 02 September 2010

Alyce dink Mandla moet net een strorie in Mumbai dek, maar hy verduidelik dat hy daar sal moet bly vir ‘n lang ruk. Alyce is ontsteld as Mandla dit eers oorweeg en sê hy kan nie gaan nie.Matrone loop vir Daan raak en as hy aanstaltes maak nooi sy hom boekwinkel toe. Felicity vra Xander raad oor wat sy omtrent Rosie kan doen wat haar besteel en Xander noem dat hy later ‘n draai sal kom maak. Bernard kom vir die eerste keer vir sy pa op by Linda, maar as sy uitvra wil hy nie verder praat nie. Allyce sukkel om kop bo water te hou met al die werk en Vanessa spring in en beduie sy sal weer help. Alyce noem dat Mandla Mumbai toe moet gaan  en Vanessa vertel vir haar dat sy vir Mandla die geleentheid moet gee. Altus tref ‘n reeling met Kabelo, hy sal vir hom bier koop in ruil vir ‘n liefdeswenk. Mandla vertel vir Charmaine dat Alyce nie wil hê hy moet Mumbai toe gaan nie en sy gee hom perspektief oor hoe Alyce voel. Matrone en Daan gesels oor wyne en sy noem dat sy Voorsitter is van die Veteraan Vonkelvroue. Daan is beïndruk, maar moet gaan vir ‘n afspraak en Matrone is gefrustreerd. Annelie het haar Duke’s klere gekry en sy probeer Zinzi oortuig dat dit net werk as ‘n kelnerin is. Vanessa noem vir Vince dat sy nie langer by die deli kan werk nie en dat sy moet teruggaan om by Bruynwaves te gaan werk. Diederik noem vir Vince dat Oubaas se bakkie ‘n skedonk is en dan kom Oubaas in met ‘n waterkan, hy dink daar is ‘n lekkasie want hy moes al drie keer die dag water ingooi. Sanjay se artikel oor Jacobsville is klaar en die munisipaliteit is woedend. Aggie se vriendin het ook laat weet daar is baie meer mense wat wil praat. Bernard sien San-Mari in haar drafkelere en noem dat hy juis opsoek is na iemand om saam met hom  te draf, maar San-Mari dink nie hy sal kan byhou nie. Bernard geniet die uitdaging. Annelie werk die eerste keer by Duke’s en die manne maak opmerkings wat haar ongemaklik laat voel, maar sy staal haarself en hanteer dit. Gita is in ‘n toestand as Len vir haar Sanjay se berig oor Jacobsville wys en verduidelik dat dit die perc in die water is wat die siektes veroorsaak.