Nuus

Hier is sommer ‘n klein storietjie wat my daagliks laat glimlag. Ek het so soortvan bevriend geraak met die eienares van my gunsteling coffee shop. Haar naam is Tess.

Julle sal my nie glo nie, maar sy is onse Hildatjie uitgeknip. Sy lyk selfs soos sy! Om by te dra tot die toeval, woon sy in die selfde woonstelgebou as my vriendin, Nansi (saam met wie ek elke dag gaan koffie drink by Tess se koffiewinkel) – kompleet soos in die Heights. Tess dra altyd almal se belange op die hart, so vandat ons haar beter ken is Cronulla (waar ek woon) skielik ‘n drie-dimensionele woonbuurt. Ons ken al die nuutste skandes en skades (laat ‘n mens wonder wat sy oor ons sê?!).

 Sy daag nooit op sonder ‘n ‘eetdingetjie in tupperbakkie’ nie. En bring selfs left-over koek en koekies van die coffee shop as ons ‘n impromptu kuiertjie reël. Sy’t ons almal aangeneem as haar kinders en verwys na haarself as Ava (my dogtertjie) en Oskar (my vriendin se seuntjie) se ‘oma’. Sy sit saans nie ‘n oog op mekaar nie en haar ‘senuwees hang daagliks aan ‘n flenter’.

 Maar die toppunt was, toe ek nou die dag by haar woonstel gaan kuier het  wys sy my ‘n rokkie wat sy by die nuwe boetiek se openings-cocktail gekoop het (I kid you not!). Ek sê toe ewe polite: dis baie mooi, ‘n mens kan dit mooi accessorise, ens ens. Toe, met stralende trots, maak sy haar kas oop en onthul... Haar versameling SERPIES!!!!!

 Anyway – het gedink ek deel dit met mense wat sal verstáán. Aan die eenkant was ek nog nooit so ver van julle af nie, maar aan die anderkant was ek nog nooit so naby aan Hillside in my lewe nie!

Mooibly
Serpie Spook